Четворицата цивилни набљудувачи на ОБСE, кои беа заробени од проруските сепаратисти во iсточна Украина, се ослободени.
Информацијата за нивното ослободување ја соопшти сепаратистичкиот лидер Алексеј Чмиленки, но таа засега не е официјално потврдена од ОБСЕ.
Чмиленко, кој е лидер на Народниот фронт во самопрогласената „Луганска Народна Република“, изјави дека инцидентот е предупредување за надворешни лица дека не треба да навлегуваат во реонот без претходна најава.
– Навистина, претходниот ден беше заробена група од четворица претставници на ОБСЕ. Потоа тие беа одведени во Луганск и им ги проверивме документите. Кога се потврди дека навистина се набљудувачи на меѓународната организација и не се занимаваат со организирање провокации, ги предупредивме да не се движат повеќе без соодветна документација и придружба, изјави Чмиленко.
Тој додаде дека во моментот претставниците на ОБСЕ се ослободени.