Французинката Изабел Прајм, која вооружени напаѓачи ја киднапираа во февруари во јеменскиот главен град Сана, е ослободена, соопшти денеска кабинетот на францускиот претседател Франсоа Оланд.
– Нашата сонародничка Изабел Прајм е ослободена. Претседателот Франсоа Оланд сака да им се заблагодари на сите кои помогнаа да се дојде до овој резултат, а посебно на оманскиот султан Кабус бин Саид, се наведува во соопштението, без да се истакнат повеќе детали за нејзиното ослободување.
Прајм и нејзиниот јеменски преведувач беа киднапирани во Сана на 24 февруари на пат кон работното место, а преведувачот беше ослободен уште следниот месец.