Унгарскиот премиер Виктор Орбан изјави дека во Украина „е разоткриена воена мафија која е поврзана со претседателот Зеленски на илјада начини“.
Министерот за енергетика веќе поднесе оставка, а главниот осомничен избега од земјата, потсети Орбан во објава на Фејсбук.
„Ова е хаос во кој бриселската елита сака да инјектира пари на европските даночни обврзници. Парите што нема да завршат на фронтот ќе бидат украдени од воената мафија. Лудило“, рече унгарскиот премиер, додавајќи:
„Не го сакаме тоа. Унгарските пари нема да бидат испратени во Украина. Подобро ќе се користат дома. После сето тоа, нема да имаме никакви барања и уцени од украинскиот претседател. Крајно време е оние во Брисел да разберат на што ги трошат своите пари“ вели тој.
Украинските власти подигнаа обвинение од седум лица во врска со наводна шема за поткуп од 100 милиони долари во која се вклучени високи енергетски функционери, што предизвика јавно негодување и привлече внимание кон борбата на Киев против корупцијата.
Во екот на голем корупциски скандал во енергетскиот сектор, украинските министри за правда Херман Халушченко и министерката за енергетика Свитлана Гринчук поднесоа оставки на барање на претседателот Володимир Зеленски.