Унгарскиот премиер Виктор Орбан изјави дека светот ќе доживее драстични промени штом новоизбраниот американски претседател Доналд Трамп ја преземе власта во јануари идната година.
Тој во интервју за Радио Косут рече дека разговарал со „Американци, Руси, Европејци и Турци“ и дека е сигурен дека доаѓањето на Трамп на чело на САД ќе донесе промени во глобалните настани, пренесе унгарски МТИ.
Орбан истакна дека иако „времињата се уште се опасни“ и дека „владите во Германија и Франција пропаднаа“, сепак доаѓа мир.