Унгарскиот премиер Виктор Орбан денеска изјави дека нема да дозволи Брисел да ја принуди Будимпешта да го прифати членството на Украина во ЕУ.
– Нема да дозволиме Брисел да не принудува да го прифатиме членството на Украина во ЕУ. Ова е огромен проблем, со широко распространети импликации за нашата безбедност, економија и земјоделство. Ќе го прашаме унгарскиот народ и ќе постапиме како што ќе одлучи – напиша Орбан на социјалната мрежа Х.
Тој претходно денеска изјави дека членството на Украина во Европската унија не треба да биде „инструмент за војна“.
Тој исто така нагласи дека ЕУ е основана за мир и дека проширувањето треба да му служи на мирот, а не на продолжување на војната.
