Унгарскиот премиер Виктор Орбан денес изјави дека добил извештај од Министерството за внатрешни работи за пожарот што избувна во рафинеријата за нафта на Дунав во Шаломбата минатата недела и дека „сè уште не е познато дали станува збор за несреќа, дефект или надворешен напад“.
Орбан во објава на Фејсбук изјави дека „истрагата е во полн ек“.
„Рафинеријата во Шаломбата е една од петте најважни стратешки индустриски објекти во Унгарија. Полскиот министер за надворешни работи (Радослав Сикорски) им советуваше на Украинците да го дигнат во воздух нафтоводот Барацаг. Да се надеваме дека тоа не е случај. Цените на бензинот веќе скокнаа“, рече Орбан.
Тој додаде дека му наложил на министерот за економија Мартон Наѓ да преговара со раководителите на унгарската енергетска компанија МОЛ и да им стави до знаење дека компанијата не може да ја надомести изгубената добивка на сметка на клиентите со зголемување на цените на горивата.
Рафинеријата во Шаломбата, управувана од МОЛ, е најголемата во земјата и првенствено преработува сурова нафта од Русија.
Пожарот избувна ноќта на 20 октомври, а e локализиран следниот ден.