Унгарскиот премиер Виктор Орбан денес изјави дека САД со „целосна прецизност го гледаат падот на Европа“ против кој Унгарија се бори веќе 15 години.
– Накратко: Америка со прецизна точност го гледа падот на Европа. Падот на цивилизациско ниво против кој се бориме во Унгарија веќе 15 години. И конечно, не сме сами, рече Орбан на својата страница на социјалните мрежи.
Орбан рече дека новата стратегија за национална безбедност на САД, која ја оцени како „најважниот и најинтересен документ во последните години“, го опишува Брисел со истиот тон со кој администрацијата на поранешниот американски претседател Џо Бајден и европските институции претходно зборуваа за Унгарија.