Билансот на жртвите на судирите во источна Украина достигна 4.132 лица, се наведува во вчера објавениот извештај на Службата на Обединетите нации за координација на хуманитарни прашања, јави ТАСС.
– До 11 ноември најмалку 4.132 лица се убиени (од кои 298 се жртви во уривањето на летот МХ17 на Малезиските авиолинии), а 9.747 се ранети во источна Украина, се посочува во документот.
Во извештајот се додава дека според Службата на Високиот комесар за човекови права и Светската здравствена организација реалната бројка на загинати е значително поголема.