Околу 1.600 лица загинаа, а над 6.200 се ранети од интензивирањето на судирите во граѓанската војна во Јемен кон крајот на март, соопшти денеска координатор на ОН за хуманитрани прашања во оваа азиска земја, Јоханес ван дер Клаов.
Според него, жртвите ги загубиле своите животи во судирите меѓу спротивставените страни или при воздушните напади на силите на арапската коалиција, предводена од Саудиска Арабија.
Клаов информираше и дека како последица на судирите и насиствата околу 450.000 Јеменци ги напуштиле своите домови.