Бројот на жртвите во поплавите предизвикани од поројните дождови што го зафатија Пакистан, достигна 372 лица, соопштија денеска властите.
Од поројните дождови се погодени речиси 4,5 милиони луѓе, а разурнати или оштетени се над 275 илјади домови.
Најтешка е сосотјбата во провинцијата Синд, каде загинаа повеќе од половина од жртвите.
Дождовите кои започнаа кон крајот на август зафатија површина од 1,76 милиони акри и предизвикаа значителни штети за земјоделството.
Помош на настраданите лица обезбедуваат спасувачките екипи на земјата, помогнати од армијата. Спроед меѓународните хуманитарни организации, Пакистан досега не побарал помош од нив, но во тек се заеднички програми за оценување на штетите.