Хамас и полициските сили во Појасот Газа претепале, осакатувале и јавно егзекутирале десетици Палестинци за време на војната со Израел, извршувајќи воени злосторства, се вели во денешниот извештај на Обединетите нации.
Извештајот на Канцеларијата на Високиот комесар на Обединетите нации за човекови права (OHCHR) документира стотици случаи на вонсудски егзекуции во окупираната палестинска енклава, која е разорена од војната, честопати извршени јавно за да се внесе страв кај локалното население, објави АП.
„Овие случаи вклучуваат егзекуции, пукање во колена, кршење коски со метални цевки или бетонски блокови и тепања, кои сторителите ги претставувале како казна за наводна соработка со Израел, грабеж на хуманитарна помош, кражба, прекршоци поврзани со дрога или членство во сопернички групи“, се вели во извештајот на OHCHR.