Судот во Јапонија денеска официјално поднесе обвинение за убиецот на поранешниот јапонски премиер Шинзо Абе, пишува локалниот весник „Јомиури“.
Четириесет и двегодишниот Тецуја Јамагами беше обвинет за убиство и нелегално поседување оружје откако помина шест месеци под надзор на психијатар, пренесува Ројтерс.
Според обвинението, Јамагами го застрелал Абе во западниот јапонски град Нара на 8 јули 2022 година, додека поранешниот премиер држеше говор по повод изборите.