Организацијата за безбедност и соработка во Европа (ОБСЕ) денеска соопшти дека нејзини набљудувачи заедно со холандски и австралиски експерти пристигнале на местото каде се урна малезискиот патнички авион пред две недели во источниот дел на Украина.
„Набљудувачите на ОБСЕ пристигнаа на местото на авионската несреќа првпат по речиси една недела, заедно со холандски и австралиски експерти. Користевме нова маршрута за приод до местото на несреќата“, соопшти меѓународната организација.
Украинската војска ја прекина денеска офанзивата во близина на местото на уривање на малезискиот авион, со цел да им се овозможи на групата меѓународни експерти да работат, потврди украинскиот Штаб за спроведување на антитерористички операции.
Во соопштението се наведува дека тоа било спроведено по барање на генералниот секретар на ОН, Бан Ки-мун и дека е прогласен „ден на ОБСЕ“.