Над 50 проценти од жителите на Флорида, Пенсилванија и Охајо, кои се сметаат за клучни американски сојузни држави за претседателските избори, планираат на 6 ноември да гласаат за актуелниот претседател Барак Обама, покажуваат резултатите од анкетата на Универизтетот во Квинипиак, Си-Би-Ес Њуз и „Њујорк тајмс“.
Помалку од сто дена до изборите 51 процент од анкетираните во Флорида планираат да го поддржат Обама, а 45 отсто од нив ќе гласаат за кандидатот на републиканците Мит Ромни.
Педесет и три проценти од анкетираните во Пенсилванија својот глас ќе го дадат за Обама, а 42 отсто за Ромни.
Педесет отсто од испитаниците во Охајо ќе го поддржат кандидатот на демократите, а 44 отсто кандидатот на републиканците.
Од 1960 година секој избран американски претседател ја имал поддршката барем во две од овие три сојузни држави.