Претседателот на САД Барак Обама денеска изјави дека САД не се во војна со исламот, туку со луѓето што ја извртеле верата.
Обама нагласи дека припадниците на екстремистичката Исламска држава и терористичката мрежа Ал каеда не се верски лидери, туку терористи.
Американскиот претседател во своето обраќање на Конференција за борба против насилниот екстремизам, одржана во Белата куќа, нагласи дека ниту една религија не е одговорна за насилство и тероризам, додавајќи дека сака да повика за толеранција во САД и пошироко.
Обама, исто така, се заложи првенствено да се направат напори да се спречат терористите да регрутираат нови борци.