САД ќе сторат се што е во нивна моќ за да и помогнат на Нигерија да ги пронајде околу 300-те девојчиња, кои беа киднапирани пред три недели, изјави американскиот претседател Барак Обама.
Исламистичката групација Боко Харам ја презеде одговорноста за киднапирањето на девојчињата и се закани дека ќе ги продаде.
Обама изјави дека Владата на Нигерија ја прифатила помошта на американските војници и полициски експерти, кои имаат искуство во слични ситуации.
– Краткорочен приоритет е пронаоѓање на девојчињата. Потоа меѓународната заедница ќе треба да се справи со заканата, која ја претставува групацијата Боко Харам, една од најлошите терористички организации, истакна Обама.