Претседателите на Русија, Владимир Путин и на САД, Барак Обама побараа од шефовите на ФБИ и ФСС (Федерална служба за безбедност) да го решат случајот со Едвард Сноуден, поранешен службеник во ЦИА кој откри постоење две тајни американски програми за електронска шпионажа.
– Тие побараа од директорот на ФСС, Александар Бортников и директорот на ФБИ Роберт Милер да бидат во постојан контакт и да најдат решение, изјави Николај Патрушев, секретар на Советот за безбедност на Русија за руската телевизија Росија-24.