Претседателот на САД, Барак Обама апелираше да се смират тензиите по одлуката на судот на Флорида да го ослободи Џорџ Зимерман, кој во 2012 година го уби 17-годишниот Трејвон Мартин.
-Знам дека овој случај предизвика големо незадоволство и тоа по одлуката на судот може да се зголеми. Сепак, ова е правна држава, а поротата ја донесе својата одлука-стои во неговото соопштение.
Американското Министерство за правда вчера соопшти дека за убиството на Мартин пред година дена беше отворена истрага.
Одлуката на судот наиде на остри реакции на многу невладини организации за заштита на човековите права, а демонстрации се одржаа ширум САД.
Обама вчера изјави дека убиството на младото момче е трагедија не само за неговото семејство и за општеството во кое што припаѓа, туку и за цела Америка.
Зимерман во текот на судењето тврдеше дека Мартин го нападнал и дека тој го убил во одбрана.
Според законот од 2005 година на Флорира, во случај на опасност секој има право на одбрана, вклучувајќи и употреба на оружје.
Елена Георгиевска