Новоизбраниот претседател на Молдавија, Игор Додон бара помош од Русија за стопирање на процесот на „романизација“ на молдавската младина, пишува денеска романскиот весник „Куриерул национал“.
Додон смета дека стипендиите, кои им се нудат во Романија на младите од Молдавија претставуваат политика за нивно привлекување кон концептите, создадени од романската држава.
Затоа Додон смета дека Русија треба да го зголеми бројот на стипендии за молдавските млади луѓе.
Русија во моментов и нуди на Република Молдавија околу 100 до 150 стипендии за образование. Секоја година Романија нуди над пет илјади стипендии за млади луѓе од Молдавија, кои сакаат да учат во Романија.