Холандска новинарка е силувана на плоштадот Тахрир во Каиро, во текот на протестите на милиони лица кои бараа оставка на претседателот Мухамед Морсиј.
Како што пренесуваат египетските медиуми новинарката ја силувале неколку мажи, кои се нарекле револуционери.
Извори од болницата потврдиле дека инцидентот навистина се случил, наведувајќи дека новинарката пред неколку дена ја силувале пет мажи. Тие додале дека жената е оперирана и пуштена на домашно лекување.
Според медиумите, во последните дена откако започнаа немирите во државата, најмалку 43 жени беа нападнати од машките банди на улиците во Каиро.
Египетската влада вчера на политичарите им даде рок од 48 часа да ја решат кризата во државата и порача дека во спротивно ќе ја презеде одговорноста и ќе го претстави својот план за мир.
Елена Георгиевска