Украински беспилотни летала нападнаа два танкери во Таганрошкиот залив во рускиот Ростовски регион, како и резервоар за складирање нафта во рускиот Тверски регион, соопштија локалните власти.
Гувернерот на Ростовскиот регион, Јуриј Сљусар, изјави дека два танкери биле оштетени во украинскиот напад, но немало повредени, објави ТАС.
Вршителот на должноста гувернер на Тверската област, Виталиј Королев, на платформата „Макс“ објави дека резервоар за нафта се запалил во областа по нападот со украински дрон и дека нема повредени.
Королев рече дека пожарникарите од Министерството за вонредни ситуации го локализирале пожарот.
