„Њујорк тајмс“: Израел се подготвува за напад врз Иран

Од:

Израел очигледно се подготвува наскоро да започне напад врз Иран, според американски и европски претставници, објави утрово „Њујорк тајмс“.

Тоа е потег што би можел дополнително да го дестабилизира Блискиот Исток и да ги загрози напорите на администрацијата на американскиот претседател Доналд Трамп да преговара за договор за спречување на Иран да развива нуклеарно оружје.

Загриженоста за можна израелска воена акција, како и можниот ирански одговор, го натера Вашингтон да повлече дипломати од Ирак во среда и да одобри доброволно повлекување на семејствата на американските војници од земјите од Блискиот Исток.

Не е јасно колку обемен би можел да биде израелскиот напад, но тензиите се зголемуваат со месеци, а израелскиот премиер Бенјамин Нетанјаху го повикува Трамп да го искористи она што Тел Авив го смета за момент на ранливост на Иран за напад.

Трамп претходно го отфрли израелскиот план за напад, инсистирајќи дека сака да преговара за договор со Техеран што би ја ограничил способноста на Иран да произведува нуклеарно гориво. Пред две недели, тој рече дека го предупредил Нетанјаху да не започнува напад додека траат преговорите меѓу САД и Иран.

Би можело да ве интересира

Калибаф: Нацистите од 21 век мора да бидат запрени

Русија е загрижена за заканата од нови напади врз иранските нуклеарни објекти

ЕУ сака да воведе санкции против Израел, но Германија и Италија одложуваат

Холандија воведе санкции за двајца израелски министри поради повици за „етничко чистење на Газа“

Повеќе од 1000 рабини го обвинија Израел дека „користи глад како оружје“

Катерина Ѓуровски

Кац му се заканува на Хамнеи: Израел може повторно да го достигне Техеран и лично вас