Полицијата во Њу Орлеанс е во потрага по три лица, осомничени за вчерашната престрелка која се случи за време на парадата организирана по повод Денот на мајките.
Според полицијата 19 лица се повредени во инцидентот, но повеќето од нив се надвор од животна опасност.
Медиумите пренесоа дека вчера попладне на парадата во Њу Орлеанс имало околу 200 лица кога во еден момент започнала пукотница во која со повреди се здобило и едно дете.
Врз четири лица се извршени хирушки интервенции, додека останатите се пренесени во четири болници на таа област.
Се уште никој не е приведен и не е јасно кој е мотивот за инцидентот.
Елена Георгиевска