„Ни требаат три важни победи“

Од:

Украинскиот претседател Володимир Зеленски изјави дека неговата земја треба да обезбеди три клучни „победи“ во меѓународната заедница.

Тие „три победи“ се одобрување на големи пакети помош од американскиот Конгрес и од Европската унија и формален почеток на преговорите за влез во ЕУ.

Зеленски ова го изјави на прес-конференција со летонскиот претседател Едгарс Ринкевичс, кој изрази уверување дека пакетот помош од ЕУ ќе помине, но додаде дека може да потрае подолго од очекуваното.

„Ни требаат три победи. Првата е победа со американскиот Конгрес. Тоа е предизвик, не е лесно, но Украина прави се што може“, рече Зеленски, пренесе Ројтерс.

Тој зборуваше и за пакетот помош од 50 милијарди евра од Европската унија, кој беше објавен претходно за Украина, а на кој Унгарија се противи.

„Друга важна работа е што ни треба помош од ЕУ во пакет од 50 милијарди евра“, рече украинскиот претседател.

Како трета неопходна победа го спомена отворањето на преговорите за идното членство на Украина, оценувајќи дека овој потег ќе го подигне украинскиот морал.

Дваесет месеци по руската агресија врз Украина, дојде до „заситеност“ на Западот во односите со Киев, кој во голема мера се потпира на своите сојузници за воена, економска и хуманитарна помош во борбата против Русија, оценува Ројтерс и потсетува дека американскиот претседател Џозеф Бајден минатиот месец побара од Конгресот да одобри помош од повеќе милијарди долари за Украина, но средствата за Киев беа изоставени од нацрт-законот за привремено финансирање на федералната влада минатата недела.

Белата куќа постојано ги притиска пратениците да го усвојат нацрт-законот на Бајден за итни резервации од речиси 106 милијарди долари, од кои повеќе од 61 милијарда долари се наменети за Украина.

Републиканското мнозинство, сепак, гласаше против доделување пари за Украина.

Што се однесува до помошта од ЕУ, Европската комисија предложи проширување на буџетската поддршка за да и се помогне на Украина да ги плати платите и да ги покрие другите трошоци додека конфликтот продолжува, а 27-те земји-членки на ЕУ треба да гласаат за пакетот на самитот на 14-15 декември во Брисел.

Сепак, постои загриженост дека помошта може да биде блокирана од унгарскиот премиер Виктор Орбан.

Во петокот Зеленски објави и дека четворица заменици команданти на Националната гарда се разрешени, но не ги наведе причините за нивното разрешување.

Отстранувањето на четворицата заменици команданти на Националната гарда беше најавено со претседателски декрет, заедно со три нови назначувања, а не беа наведени причините за ниту една од одлуките, пренесува Ројтерс.

Би можело да ве интересира

Пендаровски: Поддршка за Украина слободно да го избере патот по кој ќе чекори во иднина

Шолц: Нема да испраќаме војници во Украина

Се огласи и Шпанија, не се согласува со испраќање војници во Украина

Велика Британија нема да распоредува војска во Украина

Предраг Петровиќ

ВИДЕО: Во Украина првпат уништен американски тенк Абрамс

Катерина Ѓуровски

Кремљ: Ако Франција испрати војници во Украина, директен конфликт со НАТО е неизбежен

Катерина Ѓуровски