Неколку стотици возачи на моторни возила останаа блокирани на автопатот меѓу Москва и Санкт Петербург во колона долга 40 километри поради силен ветер и врнежи од снег.
Европскиот дел од Русија го зафатија силни снежни врнежи од средината на неделава, а ситуацијата додатно ја влошува силниот ветар и лапавица.
Патот “М-10” честопати го користат возачите на камиони за испорака на товарот од пристаништата во Санкт Петербург кон Москва и овие возила предизвикаа додатен метеж.
Министерството за вонредни ситуации испрати околу 175 спасувачи и стотина возила за расчистување на снег, но до денеска успеаја да отворат само една лента.
Руските власти им обезбедија на возачите храна, засолништа, медицинска помош и гориво.