Израелскиот премиер Бенјамин Нетанјаху изјави пред група американски сенатори, кои се во посета на Израел, дека доколку биде избран на престојните парламентарни избори на 22 јануари, ќе работи на спречување на иранскиот нуклеарен марш.
– Мој приоритет доколку бидам избран за следниот премиерски мандат ќе биде најпрво да го спречам Иран да развие нуклеарно оружје, рече Нетанјаху, јави Танјуг.
– Сметам дека тоа беше и останува приоритет за двете земји. Ја ценам американската поддршка, додаде тој.
Анкетите покажуваат дека десничарскиот блок на Нетанјаху ќе ја формира наредната Влада по изборите.