Израел продолжува со ангажманот за постигнување на договор со Палестинците по пат на преговори, изјави премиерот Бенјамин Нетанјаху, наспроти загриженоста на европските сојузници поради плановите да продолжи со изградба на еврејски населби.
– Продолжуваме со ангажманот за постигнување договор преку преговори меѓу нас и нашите палестински соседи, изјави Нетанјаху за време на посетата на Прага, нагласувајќи дека решението е да се создадат две држави за два народа, мир во кој една демилитаризирана палестинска држава ќе признае единствена еврејска држава Израел.
По посетата на Прага, израелскиот премиер Бенјамин Нетанјаху ќе замине за Германија, каде ќе има средба со германската канцелрака Ангела Меркел.