Најмалку 37 лица загинаа, а 18 се повредени откако автобус се лизна од автопат и падна во провалија во северна Индија во средата.
Според извештаите, автобусот се движел во планинската област Додо кога излетал од патот и паднал најмалку 100 метри во провалија, јавува Фокс њуз.
Сојузниот министер Јитендра Синг изјави дека од 18 повредени, неколкумина се во критична состојба.
Повредените се префрлени во медицински установи во Џаму и Додо, рече Синг.
Спасувачки слу=би обезбедија и хеликоптери.
Точната причина за несреќата не е веднаш позната, но Сунил Гупта, полицаец, рече дека автобусот бил преполн и се движел пребрзо.
Се дознава дека автобусот превезувал 55 луѓе иако имал 42 седишта.