Непознат маж се обиде денеска во Копенхаген да го убие новинарот Ларс Хедегард, еден од најострите критичари на исламот и претседател на десно-ориентираното Друштво за слобода на печатот во Данска.
Како што пренесуваат данските медиуми, човекот, за кого Хедегард рече дека “не е oд данскo етничко потекло”, тропнал на вратата нанеговата куќа преправен како поштар со пакет во раката, а кога Хедегард отворил, човекот извадил пиштол.
Напаѓачот успеал да испали еден истрел кој го промашил Хедегард, по што дошло до тепачка околу оружјето, но непознатиот човек го испуштил пиштолот и избегал.
Хедегард е познат по своите остри изјави за исламот како што е “модерниот исламизам се нарекува религија, но пред се тоа е политичка идеологија на линија со комунизмот и фашизмот.”