Порталот „EuObzerver“ предупреди дека не Грција, туку Велика Британија би можела да биде таа што прва ќе ја напушти ЕУ.
Тексот објавен на оваа страна во предвид ги има резултатите од последните истражувања на јавното мислење, што покажува дека речиси половина (46 %) од Британците не сакале да бидат дел од ЕУ, а многу поголем број од нив сметаат дека земјата има повеќе штета отколку добро од членството.
Покрај тоа, повеќе од 80 % од анкетираните се противат на напуштањето на британската фунта и влегувањето во зоната на еврото.
Иако и претходно на слична ваква анкета резултатите биле речиси слични, сепка порталот предвидува дека најновите состоби и политичките промени би можеле да резултираат со референдум на кој најверојатно Британците ќе се изјаснат за излегување од Европската унија.
„Врската помеѓу ЕУ и Британија наликува на наметнат брак, во кој и двете страни се несреќни“, пишува „EuObzerver“ како заклучок на крајот од својот опис на ситуацијата.