Алексеј Навални, затворениот руски опозициски лидер и критичар на Владимир Путин, е префрлен во ќелија за едно лице, се вели во објавата на неговиот профил на социјалните мрежи.
Навални е во самица од 1 ноември и таму остана само 15 дена, стои во објавата на неговиот Инстаграм профил.
Во постот се наведува дека просторијата во која сега е сместен Навални е „обична тесна ќелија“, како самица, и дека разликата е во тоа што тој може да има две книги наместо една и дека може да го користи затворскиот киоск.
„Многу сум ограничен на буџетот“, се вели во објавата, пренесува ABC.
Навални моментално отслужува деветгодишна затворска казна во затвор со максимално обезбедување на 250 километри од Москва.
Тој беше уапсен во јануари 2021 година, откако се врати од Германија, каде што помина пет месеци закрепнувајќи се од труење со нервен агенс. Навални го обвини Кремљ за труење.
Навални вели дека обвинувањата против него се политички мотивирани, став кој го поддржуваат западните земји. Противникот на Путин смета дека властите го ставиле во затвор бидејќи сакаат што подолго да го држат надвор од политиката.