Над 90 делфини се насукаа на брегот на два острова, разместени меѓу австралискиот континент и Тасманија.
И покрај напорите на спасувачките екипи и доброволците да ги вратат делфините во море, над 70 од нив угинаа.
Делфините се насукале во две групи. Едната група, составена од 13 делфини, се појавила на копното на островот Кинг, а другата, составена од 80 делфини, на Новогодишниот остров.
Причините за ваквите масовни самоубиства на делфините и натаму остануваат загатка. Постојат неколку теории, но научниците не можат да потврдат ниту една од нив.