Демократите, на Конвенција, која ќе трае до четврток, се очекува зе да ги изберат Барак Обама и Џо Бајден за кандитадат за претседател и потпретседател на САД.
Главни говорници на Конвенцијата, ќе бидат првата дама Мишел Обама, поранешниот претседател Џими Картер кој ќе се обрати преку видео врска и Хулиан Кастро, градоначалникот на Сан Антонио.
Во среда, на втората вечер на конвенцијата, главен говорник ќе биде поранешниот претседател Бил Клинтон, додека Обама и Бајден ќе се обратат во четврток.
„Да, ние можеме“ беше паролата со која шармантниот Обама ги мотивираше своите приврзаници. Неговото ветување беше: „Надеж и промени“. Партискиот слоган сега наместо „Надеж и промени“ гласи „Напред“.
Се очекува Демократската партија за првпат во својата платформа да се заложи за признавање на истополовите бракови како еднакви со традиционалните бракови.
Најголемиот успех на Обама, со кој ќе се фали во кампањата е убиството Осама бин Ладен.