Најмалку три лица се загинати, а двајца се тешко повредени при пад на воен транспортен авион А400М во близина на Севилја, јавуваат спасувачките екипи.
Несреќата се случила северно од аеродромот во јужниот шпански град, кој бил времено затворен за цивилни летови.
Компанијата производител „Ербас“ соопшти дека авионот се урнал за време на тест лет и бил наменет за Турција. „Ербас“ не објави повеќе детали и причини за несреќата.
Претходно шпанскиот премиер Маријано Рахој изјави дека во авионот имало осум до десет лица.