Најмалку три лица загинаа денеска во пукотница во Фолс Тауншип, Пенсилванија, соопштија официјални лица, додека осомничениот е идентификуван.
– Истражуваме масовно убиство што утрово се случи во градот. Три лица се убиени во две различни локации – изјави за Си-Ен-Ен Џеф Денс, претседател на надзорниот одбор на градот.
Засега не се знае дали пукотниците биле целни или случајни, додека осомничениот е идентификуван како Андре Гордон (26), по кого е започната потера.
Според полицијата, Андре застрелал две лица во куќа, украл автомобил, а потоа застрелал уште најмалку едно лице од другата страна на градот. После тоа украл уште едно возило на паркинг, исфрлајќи го возачот од него, кој за среќа не е повреден.