Телата на седум лица се извлечени од ледената вода во близина на брегот на Атлантскиот Океан во Канада, откако потона шпански рибарски брод, потврди воен претставник за ДПА.
Најмалку 14 лица се водат како исчезнати, изјави Брајан Овенс од Заедничкиот координативен центар за спасување во Халифакс.
Тројца членови на екипажот се спасени, додаде Овенс, изразувајќи надеж дека сè уште може да се најдат уште преживеани.
Спасувачката операција, во која се вклучени авион, хеликоптер и брод на крајбрежната стража, е отежната поради лошите временски услови во областа.
Извор: МИА