Најмалку четири лица се убиени во напад на руските сили врз регионот Киев, објави началникот на регионалната воена администрација на Киев, Микола Калашник.
– За жал, бројот на жртви од непријателскиот напад врз мирно претпријатие во округот Бровари се зголеми на четири. Изразувам искрено сочувство до роднините и пријателите на починатиот, рече Калашник.
Првично беше објавено дека е убиено само едно лице.
„Непријателот нападна мирно цивилно претпријатие од прехранбената индустрија. Луѓе кои во тој момент едноставно си ја вршеа работата. На територијата на претпријатието гори административна зграда, објектите се делумно уништени“, рече Калашник.
На местото на настанот работат сите потребни служби, а во тек се спасувачки операции, потрага по луѓе и отстранување на последиците од нападот.