Најмалку четири лица загинаа во експлозија на гас во зграда во Нижни Тагил во Свердловската област во Русија, соопшти денеска прес-службата на руското Министерство за вонредни ситуации.
Експлозија на гас се случи во четвртокот во петкатна станбена зграда во Нижни Тагил, а според последните податоци од урнатините се извлечени телата на четири лица, а 17 од нив се спасени, меѓу кои и шест деца, пренесе Интерфакс.
Во акцијата за спасување учествуваат повеќе од 450 спасувачи.
Како резултат на експлозијата е поведена кривична постапка за вршење работи или давање услуги кои не ги исполнуваат условите за безбедност на потрошувачите.
Во експлозијата се урнале два влеза во зградата.