Најмалку 29 лица загинаа во престрелки по неколку координирани напади на исламистите од редовите на Ал Каеда врз јеменските безбедносни сили, соопштија локалните власти.
Јеменското Министерство за внатрешни равоти информира дека во судирите во провинцијата Баида во централниот дел на Јемен, биле убиени 14 војници и 15 исламисти .
Исламистите извршиле напад врз седиште на локалните сили за безбедност, камп на специјалци, како и врз уште неколку згради на локалните власти со помош на автомобил-бомби. Јеменските безбедносни сили одговориле на нападите и ги одвратиле екстремистите во намерата да ги заземат објектите.
Јемен изминатиот период се соочува со активен огранок на Ал Каеда, што често врши напади врз цел на безбедносните сили.