Два вагони на воз што превезувал нови армиски регрути, излетаа од шините во предградие јужно од Каиро, при што загинаа 19 лица, а 107 се повредени. Според Министерството за здравство најверојатно бројот на жртвите ќе се зголеми.
Возот патувал од Горен Египет за Каиро, а излетал од шините во близина на предградието Гиза Бадрашин.
Египетските патишта и железница се во лоша состојба и со ниско ниво на безбедност.
Најстрашната железничка несреќа во Египет се случи во 2002 година, кога во пожар во воз загинаа 363 лица.
Според египетските медиуми во 2010 година во железнички или сообраќајни несреќи во земјата животот го загубиле над 7.000 лица.