Најмалку 17 повредени во експлозија во зграда во Мадрид

Од:

Најмалку 17 лица се повредени, од кои еден човек е во тешка состојба, во силна експлозија што се случи денеска во четирикатница во центарот на Мадрид, соопштија шпанските власти.

Спасувачките екипи се на лице место, во четирикатница која се реновира во центарот на Мадрид и трагаат по луѓе кои можеби се заробени внатре.

Додека повеќето се со полесни повреди, четири лица се префрлени во болница, а еден човек е во тешка состојба, изјави градоначалникот на Мадрид, Хозе Луис Мартинез-Алмеида, додавајќи дека причината за експлозијата сè уште не е позната.

– Во зградата, којашто се наоѓа во луксузната населба Саламанка, се изведувале некои работи при што дошло до експлозија, изјави градоначалникот.

Според него, пожарникарите се на терен за да ја „проверат конструкцијата на зградата и да утврдат дали има уште луѓе внатре“.

Портпаролката на брзата помош изјави дека училиштето од другата страна на улицата не е оштетено и оти нема потреба децата да се евакуираат.

Извор: МИА

Би можело да ве интересира

Експлозија во воениот институт „Захорје“, најмалку двајца се повредени

Горан Наумовски

ВИДЕО: Експлозија во тунел, има мртви, луѓето се заробени

Дилер на дрога загина во судир со брод на шпанската цивилна гарда

Експлозија во семеен дом во Скопје, малолетник со изгореници завршиле во болница

Експлозија во фабрика за оружје во Шпанија, има повредени

Шпанија: Во бурата Херминио тројца повредени, 13.000 луше се без струја