Најмалку 15 лица загинаа денеска во два одвоени бомбашки напад на полициски контролни пунктови во Ирак, соопшти ирачката полиција.
Првиот напад е извршен во Јусифијах, јужно од Багдад, каде бомбаш самоубиец со автомобил полн експлозици удрил во контролен пункт. Во напад загинале тројца полицајци и четири цивили, а повредени се 21 лице.
Вториот напад е извршен во близина на градот Самара, откако бомбаш самоубиец со возило полно експлозиви удрил во контролен пункт држен од полиција и вооружени шиити. Во нападот животот го загубиле осум лица, додека 23 се повредени.
Во Ирак речиси секојдневно се случуваат бомбашки напади, чија цел во најголем дел се шиити и државните безбедносни сили.