Најмалку 143 лица загинаа, а 262 се ранети во израелските воздушни напади врз Деир ал Балах во центарот на Газа, соопштија од болницата Ал Акса, која ги прими ранетите.
Деир ал Балах е град кој се наоѓа на околу 13 километри јужно од Вади Газа и надвор од зоната за евакуација, објави Си-Ен-Ен.
Израелските одбранбени сили (ИДФ) минатата недела издадоа инструкции до сите цивили во северниот дел на Газа да се евакуираат во областа јужно од Вади Газа заради безбедност, бидејќи соопштија дека ИДФ продолжува да дејствува во градот Газа и прави големи напори за да избегне цивилни жртви.