Најмалку 14 лица загинаа, а 63 се повредени во сообраќајна несреќа во источниот дел на Пакистан каде патнички автобус излетал од автопатот и се превртел.
Несреќата се случила во близина на градот Калар Кахар во провинцијата Пенџаб, соопштија локалните власти, додавајќи дека повредените се пренесени во блиските болници.
Премиерот Шахбаз Шариф изрази длабоко сочувство за загубените животи во несреќата и нареди да се обезбеди најдобар можен медицински третман на повредените. Сообраќајните несреќи во Пакистан најмногу се случуваат поради непочитување на правилата, што доведува до смрт на неколку илјади луѓе секоја година.