Најмалку 13 Палестинци загинаа, а 26 се ранети денеска во израелски воздушен напад врз Кан Јунис, во јужниот дел на Газа, соопштија здравствените власти во палестинската енклава.
Палестинското Министерство за здравство соопшти дека бомбата паднала во близина на шаторската област во која се сместени раселените семејства на улицата Атар во Кан Јунис, пренесува Ројтерс.
Претходно денеска, официјални лица известија дека 13 Палестинци биле убиени во израелското бомбардирање на централниот и јужниот дел на Појасот Газа, меѓу кои и најмалку две деца.