Најмалку девет цивили и двајца војници загинаа во новиот бран на насилство во Демократска Република Конго, соопштија локалните власти.
Тела на девет цивили биле пронајдени во провинцијата Северен Киву, соопштија локалните власти, додавајќи дека тие биле држени како заложници од бунтовниците на Обединетите демократски сили (АДФ).
Од 5 ноември во напади на оваа бунтовничка група убиени се повеќе од 500 цивили.
Во друг судир во соседната провинција загинале двајца војници.
Бунтовниците на АДФ се сметаат за виновни за убиство на илјадници луѓе во изминатите пет години во источниот дел на Конго кој е богат со руда и каде дејствуваат многу бунтовнички групи.