Припадници на џихадистичката група Исламска држава (ИД) синоќа започна серија напади врз силите на ирачките Курди во северниот дел на Ирак, јави телевизијата „Скај Њуз – Арабија“, додавајќи дека во борбите загинале над 50 лица.
Во судирите, што траеле во текот на минатата ноќ и претпладнево, џихадистите успеале да преземат неколку позиции на курдските борци „пешмерга“.
Најжестоки борби се воделе кај градот Ел Кувир, каде загинале 30 борци на „пешмерга“, 15 цивили и десетина џихадисти. По шестчасовни борби џихадиститт презеле целосна контрола над градот.
Телевизијата „Ал Сумерија“ пак јави дека припадниците на ИД извршиле напад врз силите на ирачките Курди и во градот Тал ал Вард во јужниот дел на провницијата Киркук, но дека „пешмергите“ ја одбиле офанзивата.