На годишно ниво во Европа се регистрираат по над 4.500 прерани смртни случаи како последица од испуштање на емисии на штетни гасови од возилата кои користат дизел-гориво, покажаа резултатите од истражувањето спроведено од страна на австралискиот Меѓународен институт за применети системски анализи, Норвешкиот метеоролошки инститит и Техничкиот факултет „Чалмерс“.
Резултатите од истражувањето се објавени денеска, две години откако автомобилската компанија „Фолксваген“ беше обинета дека ги лажира податоците за штетните емисии што ги испуштаат дизел-автомобилите во САД.
Одделни мали честички кои се штетни за човековото здравје, предизвикуваат смрт кај 425.000 лица годишно, поради загадувањето на воздухот во земјите во ЕУ, Норвешка и Швајцарија.
Научниците откриле дека само прекумерните емисии на штетни гасови од дизел-возилата на годишно ниво предизвикуваат по 4.560 прерани смртни случаи.
Тие наведоа дека најголем ризик е забележан во регионите каде има висока концентрација на дизел-возила, како во северниот дел на Италија.