Над 300 илјади потписи се собрани во кусо време во Велика Британија, по организираната петиција на интернет против организирањето државна посета на Доналд Трамп на Лондон, откако американскиот претседател потпиша декрет со кој се забранува влез на муслимани од седум земји од арапскиот свет.
Според британските закони доволни се и 100 илјади потписи, за да се покрене дебата во Парламентот, за барањето изнесено во петицијата.
Лидерот на лабуристите, Џереми Корбин изјави дека би било „целосно погрешно“ да се продолжи со организирање на посетата за подоцна оваа година, во сегашната ситуација, создадена по декретот за имигрантите.
Посетата беше договорена и објавена во текот на посетата на премиерот Тереза Меј в петокот на Вашинтон.
Од Даунинг стрит 10 се бараше да реагира на повиците за откажување на посетата на Трамп.
Освен лабуристите, за откажување на посетата се изјаснија и либералдемократите и шкотската СНП партија.
Градоначалникот на Лондон, Садик Кан, за телевизиската станица Скај-Њуз изјави дека премиерот Меј има направено грешка што сега го поканила Доналд Трамп, додека американската админстрација се уште не е целосно составена.