Меѓународните набљудувачи повторно не успеаја да стигнат до местото каде што се урна малезискиот авион во источна Украина.
Како и во претходните неколку дена набљудувачите на Организацијата за безбедност и соработка во Европа (ОБСЕ) со две возила, но овој пат без експертите од Холандија, денеска повторно се упатија кон локацијата каде што падна авионот. По разговорите со сепаратистите набљудувачите на ОБСЕ се вратија во градот Доњецк.
Истражната екипа не може да стигне до местото на несреќата заради стравувањата за нивната безбедност и пречките од страна на сепаратистите.
Државите, чии граѓани загинаа при падот на авионот, се жалат дека местото не е обезбедено и се уште има непронајдени човечки останки.